Fjalamynstur
á viðargólfefnum
Kährs framleiðir viðargólfefni í mörgum ólíkum stíltegundum. Afgerandi þáttur er hvernig viðurinn er skorinn. Hönnun Kährs er fáanleg í ólíkum lengdum, breiddum og mynstrum til að hjálpa þér að ná fram ákveðnum áherslum í innanhússhönnun. Plankagólfefni, tveggja eða þriggja stafa gólfefni eða mynsturlagt gólfefni. Við bjóðum upp á heilmikið úrval viðargólfefna svo þú getir valið hina fullkomnu hönnun fyrir rýmið þitt.
Plankagólfefni (eins stafs)
Yfirborðslag hvers planka er allt sagað úr sömu fjölinni. Náttúrulegt útlit viðarins, þar með talið kvistir, litbrigði og æðamynstur, endurspeglast í þessu. Aftur á móti höfum við valið við sem hefur lítinn breytileika í lit og sem fæsta kvisti fyrir sumar línur okkar af plankagólfefni. Plankagólfefni frá Kährs er í boði í ýmsum lengdum og breiddum.
Tveggja stafa
Yfirborðslagið er tveir stafir á breidd. Stafirnir eru valdir saman með það í huga að gefa hverju tveggja stafa gólfi sinn sérstæða blæ. Þegar kemur að tveggja stafa Kährs-gólfefni er um tvo kosti að velja: langa stafi eða stutta stafi.
Þriggja stafa
Yfirborðslag þriggja stafa gólfefna er fengið með því að raða viðnum í þremur stöfum á breiddina í mismunandi lengdum á tilviljanakenndan hátt. Við hjá Kährs framleiðum þriggja stafa gólfefni í samsetningum sem auka líflegt yfirbragð þess en einnig í samsetningum sem gefa rólegra yfirbragð.
Munstruð gólf
Munstruð gólf geta gefið rýminu einkennandi og jafnvel dramatískt yfirbragð. Kährs býður upp á hollenskt munstur og V-laga munstur tilbúið á fjölum sem auðvelt og fljótlegt er að leggja. Kährs-gólfefni með hollensku munstri hefur einstakt endurtekið munstur með þremur stuttum bútum á lengdina sem aðskildir eru með bút sem liggur hornrétt á þá. V-laga þjalirnar eru skornar þannig að hvert „sikk“ og „sakk“ mætast með 45 gráðu horni.